Lovar å møta sogelaget

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: Relaterte artikler Driftskrise for Ådnatun

Lagnaden til Ådnatun kom så vidt opp på Osterøy Museum sin 90-årsfest for få dagar sidan, der Randi Andersen og styreleiar Sigmund Olsnes i Museumssenteret i Hordaland vart samde om å gå i dialog med Arna sogelag.

Med i planen
- Vi må seia oss leie for at vi ikkje har fått ordna opp i dette for lenge sidan, men no kan eg lova at vi vil ta initiativ til eit møte med Arna sogelag, der Ådnatun-avtalen står på sakskartet. Eg skjønar at drivkreftene i sogelaget, som gjer ein utmerka jobb, er utolmodige etter svar. Det skal dei få, seier Andersen.

- Er Ådnatun Museum ute av museumsplanen?

- Nei, Ådnatun er med i planen, og avtalen mellom museet og sogelaget følgde med i avtalen som er gjort mellom Osterøy Museum og Museumssenteret i Hordaland. Osterøy Museum har korkje hatt folk eller pengar til å gjera den jobben for Ådnatun som vi så gjerne skulle ha utført.

Tilbake til saka: Driftskrise for Ådnatun

Flott jobb
- Men Ådnatun er ikkje med i konsolideringa?

- Nei, og noko av bakgrunnen for dette er nok at Ådnatun ikkje hadde midlar å ta med inn i eit slikt samarbeid.

- Men det ligg store verdiar i bygningane og samlingane?

- Heilt klart, og det er nesten ikkje mogeleg å koma med for mykje ros av den jobben sogelaget har gjort med og på Ådnatun.

- Kva seier du til at sogelaget vurderer å seia frå seg ansvaret for Ådnatun?

- Det vil vera tragisk, så her må vi greia å finna løysingar som gjer at laget framleis skal ha gnisten til å halda fram med dette flotte arbeidet, seier Randi Andersen.