20 kroner for «luksusparkering»

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: DYRT OG NÆRT: Senterleiar Torodd Iversen ved Øyrane Torg trur ein del kundar er villige til å betala 20 kroner for å stå inntil ein time rett framfor senterinngangen. Foto: Ronny Bertelsen "Eg har fått tilbakemeldingar frå kundar som har litt store og dyre bilar om at dei gjerne kan betala nokre kroner for å unngå at døra til nabobilen kjem borti bilen deira. Senterleiar Torodd Iversen

Om få dagar innfører Øyrane Torg nye reglar for parkeringa ved senteret. Den største endringa er at parkeringsplassane rett utanfor Narvesen blir såkalla ekspressplassar. Her kan ein stå inntil ein time dersom ein er villig til å betala 20 kroner for det. For den prisen får du også ein litt breiare parkeringsplass enn det som er vanleg på senteret.

Vil betala
Senterleiaren reknar ikkje med at det blir kamp om betalingsplassane, men han er sikker på at ein del kundar vil bruka dei.

— Eg har fått tilbakemeldingar frå kundar som har litt store og dyre bilar om at dei gjerne kan betala nokre kroner for å unngå at døra til nabobilen kjem borti bilen deira. Desse plassane vil bli attraktive for er dei som av ulike årsaker ønskjer kort veg frå senteret til bilen.

— Tener senteret så lite at de treng ei ekstrainntekt?

— For det første har senteret berre utgifter med dette. Inntektene er det parkeringsselskapet som får. Vi ønskjer å gjera dette for å yta endå betre service til kundane.

Båt-betaling
Senterleiaren ønskjer også båtfolket velkomen til å handla, men dei må no betala for å bruka bryggja til senteret. Iversen trur ikkje ein tiar for ein time vil skremma mange frå å handla på Øyrane Torg. Men aller helst hadde han sett at det ikkje hadde vore nødvendig.

— Vi må gjera det fordi det er nokon som tar seg til rette på bryggja. Ein båt har lagt i eit år utan lov, medan andre forsvinn etter at vi har kontakta eigaren, for så koma tilbake eit par dagar seinare. No kjem dei til å få ein bot på 700 kroner, og taksameteret byrjar også å gå. Vi har brukt pengar på denne brygga fordi vi ønskjer at det alltid skal vera ledige plassar til handlande som kjem sjøvegen, seier Iversen.

Kaotisk
Nytt er det også at det har vorte parkering forbode langs vegen forbi senteret. Her blir det kaotisk når det står bilar parkerte på båe sider av vegen og det kjem store varebilar for å levera varer.

Alt i dag er det forbode å røyka ved inngangspartia til senteret, men no blir dette ytterlegare skjerpa inn.

— Er du samd i at senteret er i ferd med å bli gjennomregulert når det gjeld skilt med alt som er forbode?

— No gjer vi dette for å betra servicen for kundane våre, men eg er samd i at det har vorte ein del skilt her no. Det går ei grense for kor mykje vi bør regulera, men vi er ikkje over den grensa. Når det er sagt, så er samfunnet i dag gjennomregulert med lover og regler. Dei aller fleste er vande med å innretta seg etter regelverket, og bøter må vi ha fordi ikkje alle vil innretta seg, seier Iversen.

Tips eller tilbakemeldinger i saka? Tips journalisten!