Her går grensa
for eigedomsskatt

MÅ BETALA: Hekken midt i biletet ligg på grensa mellom Garnes og Tunes. Her går også grensa for kven som må betala eigedomsskatt og kven som slepp unna. Bustaden til høgre ligg på Tunes, bustaden til venstre på Garnes.
Foto: Ronny Bertelsen

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: MÅ BETALA: Torofabrikken må årleg ut med 300.000 kroner i eigedomsskatt til Bergen kommune. Foto: Arkiv MÅ BETALA: Janusfabrikken. Foto: Arkiv SLEPP BETALA: Eigedomen til Asko ligg akkurat utanfor skattegrensa. Foto: Ronny Bertelsen

Svært mange av dei som bur i utkanten av Arna slepp betala eigedomsskatt. Gardsnummera som fell innanfor eigedomsskattegrensa følgjer Arnavågen på båe sider og strekk seg eit godt stykke innover Arnadalen i ein tarm.

Både brei og smal
Sjølv om tarmen er brei nok til å sveipa med seg dei fleste som bur på Arnatveit, inkludert bedrifter som Torofabrikken, er tarmen likevel så smal at Asko fell utanfor. Den store garden med nummer 289 inkluderer også giganteigedomen til Janus Holding AS på den eine sida av Hardangervegen og næringsbygget på den andre sida av vegen. Alle må betala eigedomsskatt.

Rieber & Søn ASA opplyser til Bygdanytt at dei må ut med om lag 300.000 kroner i eigedomsskatt på eigedomen sin. Bygningsmassen er om lag 36.000 kvadratmeter.

Asko sitt bygg er på 35.000 kvadratmeter og har kosta om lag 10.000 kroner per kvadratmeter å byggja. Totalt vel 350 millionar kroner. Dersom Asko hadde falle innanfor grensa for eigedomsskatt, er det ikkje unaturleg at dei hadde måtta betala om lag det same som Torofabrikken.

Sparer tusener
Også blant dei private bustadane i Arna blir det nokre ulogiske skiljeliner mellom dei ulike bygdene. Lovverket seier at ein kommune kan innføra eigedomsskatt på alle eigedomar i heile kommunen, avgrensa det til område som er bymessig utbygd, berre på «verk og bruk» (bedrifter) eller både på «verk og bruk» og eigedomar i bymessig utbygde område.

Eit døme på kvar ei av grensene i Arna går er mellom Garnes og Tunes. Eigedomane som ligg på Garnes betalar eigedomsskatt, medan eigedomar som ligg på Tunes ikkje gjer det. Det fører til at det berre er få meter mellom kven som betalar og kven som ikkje betalar.

Skatten går ned
Det er sjølvsagt store skilnader på kor mykje kvar husstand betalar i eigedomsskatt, men mange i Bergen betalar mellom 4.000 og 5.000 kroner årleg.

Dei som bur i bustader bygd etter 1961 kan sjå fram til alt frå litt lågare til mykje lågare eigedomsskatt i 2010. Bystyret har vedtatt å redusera takstgrunnlaget for bustadeigedomar bygd i perioden frå 1961 og fram til i dag. Størst reduksjon får bustadane som er bygde frå og med 1985.

** 1961-1965: -8,7 prosent

** 1966-1970: -16,1 prosent

** 1971-1973: -19,2 prosent

** 1974-1976: -22,4 prosent

** 1977-1979: -25,0 prosent

** 1980-1982: -27,6 prosent

** 1983-1984: -30,1 prosent

** 1985-2010: -32,3 prosent