Arna i dag, kl. 15-1.6°C   3m/s
|
Osterøy i dag, kl. 15-1.9°C 2.3m/s
|
Arna i morgon, kl. 15-1.4°C  3.3m/s
|
Osterøy i morgon, kl. 15-2°C 2.8m/s
|
Snart klar til å ta imot elevaneDei siste førebuingane er i gang på nye Osterøy vidaregåande skule. Elevane kan venta seg ein topp moderne utdanningsinstitusjon når dei møter til første skuledag 18. august. 
 FELLESAREALET: Eit flott atrium er det første ein møter når ein kjem inn hovudinngangen.
Oppdatert: 28. jul. 2010, 11:50 Frå den første vidaregåande klassen på Osterøy vart oppretta i 1978 til det nye bygget no står klart på Hatland, har vegen vore lang for skuleleiing og elevar. Etter å ha halde til i leigde lokale med dårleg standard, opplevd flaum og fleire forslag om nedlegging, blei det endeleg vedtatt ny skule i 2005. To år seinare vart det bestemt at skulen skulle stå ferdig til skulestart 2010. Større fagtilbod — Eg gler meg veldig og har sommarfuglar i magen. Det blir svært kjekt når skulen står klar og vi kan ta imot elevane, seier rektor Aud Søilen. Prislappen på det fylkeskommunale bygget har auka frå 80 til 117 millionar kroner. I tillegg kjem tannklinikken på rundt 6 millionar som også er ein del av bygget. Skulen framstår i dag som eit topp moderne anlegg, som vil gi elevane fleire val enn tidlegare. Fagtilbodet er utvida, i tillegg er fasilitetane betre og tilpassa dagens krav. — Eg håpar og trur at med ein ny skule og eit utvida fagtilbod så vil fleire av ungdommane halda seg på Osterøy - og sleppa å dra til Bergen for å ta vidaregåande der. Bygget gjer det også lettare å leggja til rette for digitaliseringa i skulen, seier ho. Kapasitet til 214 elevar — Vi får betre plass og svært flotte og lyse lokale. Det nye fellesrommet blir veldig kjekt - og vil fungera som ein sosial møteplass, seier Søilen om atriumet like innanfor hovudinngangen. I 2009 tok skulen inn 128 elevar, men ved skulestart 2010 reknar Søilen med at det vil bli om lag 180 av ein total kapasitet på 214. Desse kan velja mellom fem program. Mellom anna satsar skulen sterkt på å bli eit kompetansesenter for opplæring til den mekaniske industrien. I tillegg vil det vera ein klasse i kvardagslivstrening og ein i arbeidstrening.  |
|
||||||||||||||||||||||||||||||||||||||||||
Utskriftsvennlig versjon
Tips en venn om denne saken
Nyhetsarkiv
