Opnar likevel ikkje sjukeheimsavdeling

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: MØRKE SKYER: Store budsjettsprekkar får konsekvensar for Osterøytunet - igjen. Relaterte artikler Styrer mot ny krise

Det var overraskande tal rådmann Odd Ivar Øvregård la fram for formannskapet tysdag. Det som i september såg ut til å vera god kontroll med utgiftene, og utsikter til eit hyggjeleg overskot i år, ser no ut til å rakna.

Skule og helse
Skulane vil få ein sprekk på over fem millionar kroner. Årsakene til dette er:

* Nye utgifter til fosterheimsplasserte born: 1,8 millionar kroner.

* Reduserte inntekter frå fosterborn som har flytta frå kommunen: 400.000.

* Nye elevar med rett til norsk2 og morsmålsopplæring: 100.000.

* Fysisk aktivitet på barnesteget frå 1. august -09: 200.000.

* Meirforbruk, undervisningsmateriell: 500.000.

* Inga innsparing frå arbeid med skulebruksplanen: 700.000.

* Spesialundervisning, manglande innsparing i høve til budsjettvedtak: 1, 4 millionar.

* SFO: 100.000.

Helse og omsorg sprekk med sju millionar kroner, og dette er innan følgjande postar:

* Helse: 1 million kroner.

* Sosial: 1,9 millionar.

* Barnevern: 1,9 millionar.

* Heimetensta: 1,55 millionar.

* Grøn omsorg: 500.000.

* Radøy, kjøp av tenester: 400.000.

* Osterøytunet: Positivt avvik på 500.000 kroner.

Ein del av dette tar kommunen igjen på auka inntekter innan finans, skatt og rammetilskot, samt lågare renteutgifter. Men samla vil Osterøy likevel få fire millionar kroner mindre til disposisjon enn ein har rekna med.

Slit med gjelda
Dermed kan det spøkja for planen om å betala ned 5,3 millionar kroner på det oppsamla underskotet i år. Dette vil igjen få konsekvensar for dei komande åra.

Rådmannen er no i full sving med å finna ut kvifor situasjonen ikkje var under kontroll, slik dei fleste trudde. Leiaren for pleie og omsorg, og ikkje minst oppvekstsjefen, er mellom dei som no må forklara seg.

Rådmannen fryktar for kva som kan bli konsekvensane dersom kommunen ikkje får betalt ned så mykje som planlagt på det oppsamla underskotet på 28 millionar kroner. Dette må etter lova vera nedbetalt i løpet av 2012.

Les også: Politikarane fekk bakoversveis av tala

Til etterretning
- Det er ingen tvil om at politikarane no skyv problema framfor seg med det budsjettet formannskapet går inn for. Eg trur det vil bli svært vanskeleg å få eit budsjett i balanse samstundes som kommunen skal betala ned på det oppsamla underskotet, seier Øvregård.

Rådmannen vil likevel ikkje kritisera budsjettforslaget, som etter alt å døma blir vedtatt av heradsstyret.

- Mi oppgåve er å koma med forslag til budsjett, og så er det opp til politikarane om dei vil gå inn for dette eller gjera endringar. Same kva budsjett som blir vedtatt, følgjer rådmannen dette lojalt opp, seier Odd Ivar Øvregård.