Åtvarar mot falske bøsseberara

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar:

Denne helga har fleire i Arna blitt besøkt av bøsseberarar, men ikkje alle har gode formål i tankane. Det meiner i det minste politiet, som har fått fleire meldingar om personar med mistenkelege bøsser og oppførsel.

— Dei har vore både i Arna og Åsane og vore spesielt aktive denne helga. Dei kjem med innsamlingsbøsser som tydeleg er heimelaga, og nokre lèt som dei er stumme eller døve. Dei kan ha kort som dei viser frem, men dette er kort med informasjon som ikkje stemmer. Dette er ikkje nokon som samlar inn til organisasjonar, men til seg sjølve, seier politibetjent Stein Hammersland ved Bergen Nord politistasjon.

— Dette er ikkje straffbart i seg sjølv, men vi ber folk ta kontakt om dei meiner dei møter på noko mistenkeleg, seier Hammersland.

Kreftforeningen hadde innsamlingsaksjon i Bergen i helga, men politiet trur det er tilfeldig at dei falske bøsseberarane var aktive samtidig.