Ti dagar fullspekka med kultur

FLØYTE PÅ TVERS: F.v. Amalie Rullestad (17), Sigrid Djønne (17), Elisabeth Sivertsen (16) og resten av Indre Arna skulemusikklag gjorde noko heilt nytt då dei poppa opp for uderhalda ved dei ulike bygga i Ådnatun.
Foto: Eirik Boge

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: TJUVSTARTA: Fredag ettermiddag gjorde Arnaringen, i samarbeid med Åsalåten, sitt tradisjonelle kulturdrypp på jernbanestasjonen i Bergen, for å lokka byfolket til Arna. Like etter kom dei til Øyrane Torg og dansa Kulturdagane i gang. Foto: Eirik Boge IMPONERT: - Arna er ofte omtalt som den vesle bydelen i Bergen. Når det gjeld kulturlivet, er Arna absolutt ikkje minst, sa varaordførar og leiar for komité for kultur, idrett og næring, Trude Drevland, i opningstalen. Blant tilhøyrarane var kultursjef i Arna og Åsane, John Kristian Øvrebø. GAMALT: I Ytre Arna historielag sitt museum i Arna Næringspark opna leiar Sollaug Damminger fotoutstillinga Menneske og landskap - Gamle Ytre Arna sett gjennom fotolinsa. Utstillinga er eit samarbeid mellom historielaget og Arna sogelag, og viser deler av fotograf Walter Øybø sine bilete av kvardagsliv, natur, kulturliv og næringsliv i bygda. Foto: Eirik Boge SALSUTSTILLING: Tekstil- og biletkunstnar Anne Knutsen (t.v) og glaskunstnar Ingunn Strømberg Aastvedt opna si salsutstilling i Seimshuset i Ådnatun. Dei to kunstnarane kan blant anna lokka med tøyputar pryda med gamle Volvoar og små søte høner i glas. Foto: Eirik Boge OOOOPS!: Å stable bruskasser er ikke bare enkelt. Foto: Georg Kayser ANDELOTTERI: 500 plastender kjempa om heider og ære nedover Storelva i Indre Arna. Langs elvebreidda stod store og små og venta i spenning, medan laksen nok lurte fælt på kven som hadde forvilla seg ut i vatnet. Foto: Eirik Boge

Store og små laga lyd med toradar, tuba og klarinett. Enkelte opna foto-, tekstil- eller glaskunstutstilling, medan andre selde keramikk, kulturlopper, måleri og massevis av kaker. Og då sola stod midt på den skyfrie himmelen, kasta 500 badeender seg i Storelva og starta kampen om bli først over mållina. Kulturdagane i Arna er i gang.

- Ein kan ikkje anna enn å bli mektig imponert over programmet desse ti dagane. Her er alt frå kyrkjekunst til grafitti, korsong til Arnarock. Bebuarane i Arna har ein entusiasme som er ærleg og fantastisk, og det er ingen tvil om at kulturlivet her står sterkare enn i dei fleste andre bydelane, proklamerer varaordførar Drevland. I følgje kultursjef for Arna og Åsane, John Kristian Øvrebø, har ho heilt rett. Då kulturkontora i Bergen for to år sidan talde opp kor mange bebuarar som er aktivt med i kulturforeiningar i kommunen, kom Arna øvst på lista.

- Heile seksten prosent av innbyggjarane i bydelen er aktivt med i ulike lag og organisasjonar som driv med kultur, i tillegg deltar endå fleire på dei ulike arrangementa. Under Kulturdagane får vi sjå resultatet av det alle dei ulike grupperingane held på med, seier Øvrebø, som saman med Drevland og andre interesserte fekk med seg korps- og toradarmusikk under opninga.

Samtidig som det offisielle startskotet gjekk på Øyrane Torg, opna fleire utstillingar. I Ytre Arna inviterte Sollaug Damminger og historielaget til utstilling av bileta til fotograf Walter Øybø.

- Han hadde fotoforretning i Elvavegen i perioden 1931-1973, og har etterlete seg ei stor samling bilete frå Arna. Vi har gått gjennom fleire tusen negativ og plukka ut 86 som vi har forstørra opp. Bileta og fotoutstyret hans har vi fått låna av Arna sogelag, forklarer Damminger, som saman med dei andre medlemmene i laget har gjort eit stort detektivarbeid for å skaffa informasjon om alle motiva.

I Ådnatun i Indre Arna starta kunstnarane Anne Knutsen og Ingunn Strømberg Aastvedt si salsutstilling, saman med medlemmer i Arna husflidslag. Til tonar frå Indre Arna skulemusikklag var det mange frammøtte som let seg freista til å kjøpa med seg kunst heim att. I tillegg til utstillingane i Ådnatun og Ytre Arna, starta Britt Skaftun si måleriutstilling, Kusinene Krull opna salsutstilling og Norvald Hemre opna sin keramikkverkstad. Opningstider for dei ulike utstillingane finn du i programmet for Kulturdagane 2009.