Fans det vikingskip på Osterøy i vikingtida?
Kvifor gifta 20 år gamle menn seg med 70 år gamle kvinner på 1600-talet?
Kvifor er det framleis folk som aldri køyrer over Osterøybrua?
Dette og mykje meir får du svar på i vår nye podkast-serie. Med oss har me historikar Geir Kleiveland, som utan manus losar oss gjennom hundreår av Osterøy si mangfaldige historie.
Dei to timane og tjue minutta er delt opp i 13 episodar, og du kan høyra på dei når du vil.
1 - Dei første ostringane
Historia starta for over 9000 år sidan då Osterøy for første gong blei besøk av menneske.
2 - Vikingtid
Ostringane hadde over 20 meter lange langskip.
3 - Kristendomen kjem
Truleg var sjølvaste Olav den heilage på Osterøy og kristna heidenske bønder.
4 - Svartedauden
Nær halvparten av alle ostringar måtte bøta med livet i løpet av nokre grufulle tiår på 1300-talet.
5 - 1600-talet og økonomisk prevensjon
Folketalet veks igjen og øya klarar ikkje å brødfø fleire munnar. Då må unge menn gifta seg med gamle damer.
6 - 1700-talet og strilekrig
Skattetrykket aukar og bøndene kvesser kniven mot overklassen.
7 - Dramatisk folkeauke på 1800-talet
I løpet av to generasjonar går Osterøy frå å ha i underkant av 3000 innbyggjarar til nesten 6000.
8 - Jordbruket blir modernisert
Sonen hadde drive jorda som far sin i hundrevis av år. No skulle alt endra seg.
9 - Verda bankar på døra
Skulestover og dampskipkaiar poppar opp rundt i bygdene og opnar Osterøy opp for samfunnet utanfor.
10 - Mellomkrigstid og krisetid
Industrien veks fram, men nord på øya får dei store økonomiske problem.
11 - Den store krigen
Litle England blei Osterøy kalla. Men mot slutten av krigen oppdaga tyskarane kva som eigentleg skjedde på øya.
12 - Bilen endrar alt
Bygdene på Osterøy var i stor grad sjølvforsynte med skule, butikk, post og kai. Men som kom bilen.
13 - Ei bru mot den nye tida
Framleis fins det folk på Osterøy som ikkje køyrer over brua. Her får du vita kvifor.