Ta vare på Ådnatun!

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: Relaterte artikler Driftskrise for Ådnatun No må i første rekkje Osterøy museum og Museumssenteret i Salhus finna ut om dei framleis vil ha eit ansvar i Arna.

Bygdemuseet Ådnatun i Indre Arna er igjen i vanskar. Arna sogeleg er i ferd med å gi opp drifta fordi dei ikkje får hjelp. No må både andre museum og det offentlege vera med å sikra vidare eksistens.

Formelt sett er det Osterøy museum som har det faglege ansvaret for Ådnatun, medan Arna sogelag står for drifta. Osterøy museum er på si side ein del av Museumssenteret i Salhus. Problemet er at museet på Gjerstad ikkje har ressursar til å utføra oppgåvene i Arna, dermed fell alt ansvaret likevel på sogelaget. Slik kan det ikkje halda fram.

Arna sogelag er ein frivillig organisasjon som ikkje har tilstrekkeleg fagleg ekspertise til å ta seg av dei historiske samlingane etter Lars Ådna åleine. Laget har likevel gjort ein enorm innsats gjennom mange år med å sikra gjenstandar og fotografi, og ikkje minst skapa aktivitet i museet. Kulturhistorisk formidling for skuleklassar, kunstutstillingar og kulturkafear er blant tiltaka som har hatt stor oppslutnad.

Dette er viktig, og må halda fram! Men det er og nødvendig å stilla ressursar til rådvelde, slik at ein ikkje utelukkande er avhengig av dugnadsinnsats for å ta vare på bygningane og innhaldet i dei.

No må i første rekkje Osterøy museum og Museumssenteret i Salhus finna ut om dei framleis vil ha eit ansvar i Arna. Dersom svaret er ja, må det også skje noko i praksis. Er svaret nei, må ein finna andre løysingar.

Lokale kultur- og museumsstyresmakter kan i alle høve ikkje berre sitja og sjå på at drifta stoppar opp.