Ta dei eldre på alvor!

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: Osterøytunet. Foto: Ronny Bertelsen Relaterte artikler -Uakseptabel plassmangel Osterøy kommune er nøydd til å ta hand om dei som treng hjelp - sjølv om det kostar pengar.

I rundt eitt år har Osterøy kommune halde ei avdeling på Osterøytunet stengt for å spara pengar. Konsekvensen per i dag er at fjorten eldre ikkje får ha einerom, men må bu saman med ein annan person. Situasjonen er uverdig både for dei gamle og deira pårørande.

Gjennomføringa at sparetiltaket vart gjort med bakgrunn i heradsstyret sitt budsjettvedtak for 2009. Innsparinga i fjor var stipulert til 1,5 millionar kroner, og heilårsverknaden for 2010 til 2,2 millionar. Rundt seks årsverk blei fjerna.

Les også: -Uakseptabelt for dei eldre, meiner rådmannen

No viser det seg at dei negative konsekvensane er blitt svært alvorlege. Presset på dei som skal ta seg av pasientane er blitt så stort at sjukefråværet er på full fart oppover. I tillegg er terskelen for å koma inn på sjukeheimen blitt så høg at det i praksis nesten ikkje finst korttidsplassar. Dette har i sin tur gjeve ekstra belastning på heimetenestene. Ein tredje konsekvens er at kommunen ikkje er i stand til å ta imot pasientar som er ferdigbehandla på sjukehus. Dette rammar igjen Haraldsplass, som må la ostringar oppta sengeplassar i lang tid etter at dei skulle vore utskrivne.

Det seier seg sjølv at slik kan det ikkje halda fram. Osterøy kommune er nøydd til å ta hand om dei som treng hjelp - sjølv om det kostar pengar. Det er difor gledeleg at rådmannen no går inn for å opna den nedlagte avdelinga att i løpet av våren. Sjølv om det er uvisst kvar pengane skal hentast frå, er vi ikkje i tvil om at forslaget vil få tilslutnad frå politikarane.

Erfaringa frå det siste året viser at det å gjennomføra millionkutt innan institusjonsdrifta i kommunen ikkje kunne bli ei langvarig løysing. Konsekvensane blei for store. Difor må rådmann og politikarar på nytt leita etter andre stader å spara pengar. Det er ikkje vanskeleg å spå at blikket vil bli retta mot skulesektoren - igjen.