Tragisk for Osterøy

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: Relaterte artikler Fransk nei til garveriet Får neppe ny jobb på Osterøy etter konkursen Avklarar garveriet si framtid denne veka «Det ligg store utfordringar i å hjelpa dei som no står utan arbeid.»

Det slo ned som ei bombe på Osterøy i førre veke at leiinga ved Borge Garveri AS måtte ta den tunge vegen til skifteretten med verksemda. Også for dei tilsette var det ei overrasking at det stod så ille til, sjølv om det har vore permitteringar og produksjonsproblem i vinter.

No har 70 tilsette mist jobben. Finanskrisa har dermed ført til nær dobling av arbeidsløysa i kommunen. Svært få av dei vil kunna finna seg ny jobb i andre industribedrifter på Osterøy. Alternativet blir å søkja seg til fastlandet.

For både dei tilsette og familiane deira er konkursen svært tragisk. At så mange blir utan arbeid i ein kommune som Osterøy, vil også kunna merkast på kommuneøkonomien. Sjølv om det har vore strid rundt verksemda opp gjennom åra på grunn av miljøulempene drifta har ført med seg, er det ingen som har grunn til å applaudera det som no har skjedd.

Garveriet i Kårvika er ei av dei eldste industribedriftene på Osterøy, med ei historie som går tilbake til 1870. Verksemda vart etter kvart kjent som Borge Kromlærfabrikk, og var i ein lang periode den største industriarbeidsplassen i kommunen.

Borge Garveri AS har gjort det godt som skinnleverandør til motebransjen, og har dei seinare åra eksportert nesten heile produksjonen. Selskapet har difor raskt vorte påverka av internasjonale konjunkturar. Høge råvareprisar og sterk kronekurs var blant det som til slutt tok knekken på bedrifta.

Det ligg store utfordringar i å hjelpa dei som no står utan arbeid. Håpet er først og fremst at det skal vera mogeleg å starta opp ny verksemd i Kårvika. Bygningane står der, og maskinene er klare til vidare produksjon. Sjølv om det skulle bli garveridrift i mindre målestokk enn hittil, vil det vera betre enn ingenting. Verda vil ha behov for skinn til sko, vesker og klede også i tiåra som kjem.

Vi kryssar difor fingrane for at det finst ei løysing som vil gje nye arbeidsplassar i garverinæringa på Osterøy.