Lukrativ investering

Utskriftsvennlig versjon Tips en venn om denne saken Tips en venn om denne saken Din e-postadresse:  Mottakers e-postadresse: Din kommentar: Relaterte artikler Har tjent 61 millioner kroner på Øyrane Torg «Skal butikkane i Indre Arna vera med i kampen om kundane, må det skje ei utvikling også her.»

Øyrane Torg har gjort ei rekkje personar i og utanfor Arna til millionærar. Då selskapet blei stifta tidleg på 90-talet, var aksjonærane i hovudsak forretningsdrivande som skulle inn i senteret. I 2005 kom oppkjøparar på bana og bladde opp det tidoble av det gründerane ein gong investerte.

Dei som då satsa på kjøpesenteret i Arna var investorane Frode Johnsen og Einar Nistad. Johnsen har sidan selt seg ut i to etappar, og sit no att med ein gevinst på eventyrlege 61 millionar kroner. Pengar som kan koma godt med når ein ny næringspark skal realiserast på Storaneset.

Vi kan meina mykje om personar som håvar inn millionbeløp berre ved å sitja med eigarinteresser i ulike selskap. Men utan at folk tener noko på pengeplasseringane sine, ville samfunnet ha stoppa opp. Då hadde det ikkje blitt investert i næringsliv eller eigedom. Utbyggingsstopp og tap av arbeidsplassar hadde blitt resultatet.

Frode Johnsen er ein av dei som skaper aktivitet i Arna. Ei rekkje byggjeprosjekt er realiserte, og fleire er på trappene. Mest spenning knyter det seg til gigantprosjektet som skal gje bydelen eit heilt nytt varespekter. Kvitevarer, møblar og andre arealkrevjande vareslag kan bli å finna på Storaneset når eigedomsmassen til over hundre millionar kroner er på plass.

Dette vil vera eit viktig supplement til Øyrane Torg, og medverka til at Arna får eit langt betre vareutval enn i dag. Skal ein redusera handelslekkasjen, er det viktig å kunna tilby det kundane treng og vil ha.

I Åsane er det planar om nye, store forretningsbygg. Både daglegvarekjedar og andre vil ha sin del av marknaden i denne folkerike bydelen. Skal butikkane i Indre Arna vera med i kampen om kundane, må det skje ei utvikling også her. Difor er planane på Storaneset viktige for alle som driv forretning ved Arnavågen. Men prosjektet må ikkje bli ein sovepute. Også Øyrane Torg må utvikla seg vidare. Kanskje det snart er på tide med endå ei utbygging?