Bygdapraten med Mimir Kristjansson og Tommy Johansen

«Mamma er trygda» er ei personleg historie med politiske over- og undertoner. Møt fofattaren, Mimir Kristjansson - og tidlegare assisterande direktør i Nav, Hordaland, Tommy Johansen.

  • Eirik Langeland Fjeld
Publisert:
Mimir Kristjansson har skrive boka «Mamma er trygda».

Osterøy bibliotek og Bygdanytt inviterer til tredje møte i serien “Bygdapraten”.

Denne gongen vert det bokbad med Mimir Kristjansson, forfattar av boka “Mamma er trygda”.

Med oss har vi óg kommunaldirektør for sosial, bustad og arbeid i Bergen kommune, Tommy Johansen. Johansen har tidlegare vore assisterande fylkesdirektør i Nav Hordaland.

I "Mamma er trygda" fortel sonen - Mimir Kristjansson - den rørande historia om mora si, som vert sjuk og hamnar på Nav.

Gjennom historia om mora og familien sin tek Kristjansson eit oppgjer med trygdesystemet, eit system han meiner er prega av mistru frå A til Å. Det vert ei personleg historie med politiske over- og undertoner.

For Mimir Kristjansson er ikkje berre forfattar. Han er óg ein raudglødande politikar for partiet Raudt, ein engasjert samfunnsdebattant og dessutan reality-deltagar!

Vi skal innom alle rollene, men først og fremst snakke om “Mamma er trygda” denne kvelden.

Og korleis ser problemstillingane i "Mamma er trygda" ut frå stolen til ein noverande kommunaldirektør og tidlegare Nav-leiar? Tommy Johansen har eit dypt engasjement for innordninga av ytingane vi har i den norske velferdsstaten.

Les også

Arnabuen Tommy (56) har ansvar for 25 prosent av budsjettet i Bergen kommune

Arrangementet vert gjennomført som eit fysisk møte i biblioteket i Lonevåg, med 20 personar i salen og 2 meter avstand.

Hendinga vert óg streama på nett (bygdanytt.no), og opptaket vil vere tilgjengelig ein periode i ettertid.

Sjølve Bygdapraten #3 går føre seg torsdag 25. mars klokka 1900 , og vert leia av bibliotekar Henrik Carlsen og ansvarleg redaktør Eirik Langeland Fjeld.

Påmelding

* Arrangementet er no fullt.

Publisert:
  1. Bibliotek
  2. Bok
  3. Osterøy
  4. Bygdanytt

Les også

  1. Sjå heile sendinga med Siri Helle

  2. «Fullt hus» for bok om å bygga utedo

  3. Er kommuneøkonomien på fattigkassa? Sjå heile debatten her!

Mest lest akkurat nå

  1. Restauranten skulle ha opna i slutten av juni – no er det berre eit gigantisk pengesluk

  2. Vidar gir seg i rektorstolen

  3. To i Arna stod i fare for å måtte riva alt dei hadde bygt. Så snudde saka.

  4. Hundre trassa regnet for å sjå film utandørs

  5. Banket serielederen i siste runde

  6. Reagerer etter farts­kontroll: – For høgt tal