17. mai-feiringa: Tips oss, og send gjerne bilete

Vi håpar alle får ein fin dag, og vi ønskjer å visa feiringa i all si prakt i avisa.

Feiringa av nasjonaldagen vart i fjor sterkt amputert av koronapandemien.

Også i år blir det ei annleis feiring. Men vi håpar og trur at det blir ein kjekk dag, og sjølvsagt har vi journalistar ute for å dekkja feiringa.

Kor bør vi vera på 17. mai? Kva bygd eller nabolag har noko kjekt på gang? Kva familie skal gjera noko ekstra gøy? Er det nokon som skal oppretthalda ein mangeårig tradisjon? Eller må nokon leggja tradisjonen på is på grunn av smittevern? Send oss gjerne tips på tips@bygdanytt.no, slik at vi kan formidla stemninga.

På sjølve dagen ønskjer me også bilete frå lesarane, gjerne med ein kort tekst til. Del gjerne bileta med oss. Hugs å merka bilda med #bygdanytt når du legg dei ut på sosiale medium.

Tradisjonen tru samlar me inn 17.mai-program frå dei ulike bygdene i Arna og på Osterøy. Send inn ditt program til vår journalist Anders Totland (at@bygdanytt.no)