I juli 2011 drog tre gode kompisar til Utøya på AUF sin sommarleir.

Ein plass trioen trudde var trygg og god: – Utøya er eit paradis på jord, fortel Nikolas Dale Skjerping

– For meg er Utøya eit symbol på glede, kjærleik, venskap, politikk - ja, alt det gode her i livet.

I 1994 drog Nikolas for første gong med den vesle ferja MF Thorbjørn.

– Den ferja betyr noko spesielt.

Så kom terroren til øya, og livet skulle aldri bli det same.

Nikolas kom seg på mirakuløst vis i tryggleik.

På Sundvollen hotell venta familien.

Medan Tarald og Tore låg att på øya. – Eg turde ikkje å sjå ned, seier Nikolas.

Ein nasjon var i sorg.

10 år seinare er framleis sorga, frykta og angsten tung å bere.

«Eg kan ikkje sitje stille lenger. Me kan ikkje sitje stille lenger. Ikkje lenger lukke auga, brenne inne med tankane, kjenslene og frykta» - Nikolas Dale Skjerping, 22. juli 2021

Frå arkivet. Nikolas overlevde terrorangrepet: – Berre flaks at eg er her i dag

Sommaren 2011 drog tre ambisiøse og dyktige ostringar på AUF sin sommarleir på Utøya.

Berre Nikolas kom attende i live.

– Det går ikkje ein dag utan at eg tenker på 22. juli.