Sjå forvandlinga: Frå falleferdig kistefabrikk til eit nytt turismeeventyr

For nokre år sidan trong Erlend Mjøs ein båtplass i heimbygda. Då den gamle kistefabrikken låg ute til sals, diskuterte han med faren Terje.

På 1880-talet bygde Fuse Hole kisteverkstaden i Mjøsvågen. Her ser du den vesle fabrikken like bak styrhuset til fjordbussen «Hosanger 1» som ligg til kaia i Hosanger på 1960-talet.

I om lag 40 år produserte Hole kister, eller amerikakoffertar til alle dei som søkte lukka over dammen. Nokon kister har blitt verande i området vårt.

Her ser du fabrikken i 1989.

Men då bygget låg ute for sal for eit par år sidan slo Terje og Erlend Mjøs frå Hosanger til.

Erlend trong eigentleg ein båtplass, men etter litt samråd med far Terje, byrja dei eit omfattande byggeprosjekt.

Fabrikkbygninga var nesten til nedfalls. Tusenvis av timar med arbeid stod framom dei.

Men alt slitet og pengane har gitt resultat. – Det har vore ein gjevande og slitsam prosess, men også enormt mykje glede, seier Terje.

Det blei starten på eit gigaprosjekt som har kosta både mykje tid, krefter og pengar.