Kvar einaste graviditetstest var negativ, men spørsmåla slutta ikkje å komme

Dei siste åra har mannen min og eg vore gjennom ein prosess. Ein prosess der to skulle bli til tre.

Ein prosess som skulle vise seg å bli langt meir tidkrevjande og vanskeleg enn vi hadde sett for oss.

For nokre er ikkje familielivet med barn eit ønske, for andre har det kanskje berre aldri passa. Og så har du slike som oss, som ønsker barn, men som ikkje har fått det til.

Månader blei til år, utan at noko skjedde. Graviditeten uteblei, men det gjorde aldri spørsmåla.