Ein ungdom er blitt skada etter å ha køyrt av vegen ved Hartveit på Osterøy tysdag ettermiddag.
- Me har grunn til å tru at dette er ei alvorleg ulukke, seier Hans-Erik Thue ved politiets operasjonssentral i Hordaland.
Politiet fekk melding om hendinga klokka 15.32, og den skada guten blei frakta med ambulanse til akuttmottaket på Haukeland sjukehus.
- Biltilsynet si ulukkesgruppe er på staden der ulukka skjedde, seier Thue til Bygdanytt.
Ungdomen skal ha køyrt på ein lett motorsykkel.
Vil bli etterforska
Tysdag kveld seier seier Thue til Bygdanytt at guten framleis er til behandling på Haukeland universitetssjukehus, og at politiet ikkje har fleire opplysningar om tilstanden.
– Hendinga kjem til å bli etterforska vidare for å finna ut av årsaka til ulukka, seier Thue.
Har du bilde? Send til tips@bygdanytt.no