Plassmangel langs E16 har blitt ei utfordring for å få i gong ny veg.
– Viss me skal legga vegnormalen til grunn, så er det eigentleg ikkje mogleg å bygga ny veg her, seier Olav Lofthus i Statens vegvesen til NRK.
Godtar ikkje seinare byggestart enn 2021
Han forklarar vidare at det store problemet er å finne lange nok dagsoner, altså ikkje i tunnel, der dei kan plassere vegkryssa.
Her er dei nøydde til å ha 1000 meter lang strekning i dagen. Det finn dei truleg berre i Sædalen over Vaksdal.
NRK skriv vidare at det er særleg langs Sørfjorden at det er for dårleg plass. Løysinga er altså å legge vegkryss i fjell. Men for å kunne gjere det, er ein nøydde til å søkje Vegdirektoratet om lov.
Ifølgje Lofthus er prosjektet heilt avhengig av dette løyvet for å få til ny E16.
Abonner på nyhetsbrevet K5
Mellom anna er det truleg snakk om to lange tunnelar mellom Arna og Stanghelle, med ein stasjon i dagen i Vaksdal der Coop Prix ligg i dag, skriv NRK.