Bergen kommune tilbyr no gratis HPV-vaksinar til utsette grupper.
Rusavhengige, personar som sel sex og menn som har sex med menn (født i 1991 eller seinare) kan no få gratis HPV-vaksine.
Kommunen tilbyr desse på Smittevernkontoret eller på Helsestasjon for ungdom og studentar.
Osterøy tilbyr gratis HPV-vaksine
– Gruppene som no er prioritert har dårlegare høve for å verna seg mot HPV-infeksjon enn andre. Menn som har sex med menn får tilbodet sidan dei ikkje har flokkvern gjennom barnevaksinasjonsprogrammet, seier smittevernoverlege Kari Stidal Øystese i ei pressemelding.
Folkehelseinstituttet har eit overskotlager av HPV-vaksinen Gardasil, og det er bakgrunnen for at nye grupper kan få den.
På grunn av avgrensa haldbarheit bør første dose takast seinst innan utgangen av november, melder kommunen.