Over kan du følgja trafikken direkte. Grønt betyr at trafikken flyt fint, medan raudt betyr kø.
Tysdag ettermiddag kl. 16.24 meldte Statens vegvesen at fleire vogntog sleit med å koma opp bakkane mot Gullbotn på grunn av eit kraftig snøver.
Det var vanskelege køyreforhold på heile strekninga mellom Trengereid og Kvamskogen, og større køyretøy blei anbefalt å bruka kjetting, opplyste Vegtrafikksentralen.
Vogtog stod i bakken
Trafikkoperatør Marianne Hove sa at det ikkje var snakk om meir enn nokre centimeter med snø, men det gjorde vegbana svært glatt og fleire vogntog stod altså i bakken mellom Trengereid og Gullbotn for å legga på kjettingar. Dette førte til lange køar i området.
Etter kvart kom brøytemannskap på plass og situasjonen løyste seg. Men trafikken gjekk framleis sakte ei tid.