Torsdag ettermiddag rasa fleire steinar ut i Hovdavegen, like før Hovden på Osterøy. Ein tipsar opplyser til Bygdanytt at han høyrde raset litt før klokka 16.

Den kommunale vegen brukast ofte av folk som køyrer til Hovden og det populære turområdet ved Stangfjellet.

Osterøy kommune sende raskt mannskap til staden og tok i bruk gravemaskin for å rydde vegen.

Litt før klokka 20 blei vegen opna igjen, etter at ein geolog hadde undersøkt området og konkludert med at det var trygt.