17. mai-program for Arna og Osterøy 2018
Bergen sentrum blir sperra for trafikk mellom klokka 07.00 og 24.00 på nasjonaldagen.
Bergen kommune ber om at folk avgrensar bilbruken også i områder utanfor det avstrengte området.
Reisande blir også oppmoda til å velje kollektivtransport framfor bilen.
NSB køyrer tilnærma laurdagsruter 17. mai. I tillegg har dei sett inn ekstra tog frå Arna klokka 08.52 og 09.25 til Bergen.
Slik blir 17. mai-vêret
– Det er stor pågang denne dagen, då det er mange frå Arna som reiser til Bergen for å delta i feiringa av dagen der, seier Henning Lirhus, marknads- og kommunikasjonssjef i NSB Vest til Bygdanytt.
Her kan du sjekke når toga går laurdag.
Skal du ta bussen, er det også endringar i ruteprogrammet til Skyss. 17. mai er det nemleg søndagsruter i heile Hordaland.
I Bergen vert det i tillegg køyrt ekstra avgangar i samband med 17. mai-arrangement i Bergen sentrum, opplyser Skyss på si nettside.