Gode nyheiter frå meteorologen

Kvikksølvet i termometeret kan nesten krype opp til 20-talet - om vi er heldige.

Denne veka er det fleire fine dagar i vente, fortel meteorologen.
  • Siv Berg Lutro
Publisert: Publisert:
Denne artikkelen er over tre år gammel

Trass i at vi har kome til november, er det venta ein særs varm dag denne veka.

– Tysdag blir ein ganske fin dag med omlag 10-12 grader på makstemperatur, fortel vakthavande meteorolog Steinar Skare i Meteorologisk institutt.

Les også

Her er lesarane sine flotte bilete

Det er fare for noko nedbør, men det blir i så fall små mengder.

Varm dag

Onsdag blir det endå betre vêr, og skal vi tru meteorologen skal det bli nærast sommarlege temperaturar.

– Ja, onsdag blir det fint vêr. Periodar med sol og høge temperaturar. Det er venta 14-18 grader denne dagen, men om vinden frå austleg kant slår ned på Vestlandet, så kan vi få veldig høge temperaturar, fortel han.

Ifølgje meteorologen kan fønvind resultere i at det lokalt kan bli 20 grader på Vestlandet denne onsdagen.

– Men vi er jo i november?

– Ja, men det er ikkje så unormalt dette eigentleg. Vi har fleire gongar hatt høge temperaturar i november, seier Skare.

Våt helg

Torsdag kjem det inn ein svak nedbørsfront og det er på tide å finne fram igjen paraplyen og ei tjukkare jakke. Då er det venta 10 varmegrader.

Så er det betring på fredagen.

– Då blir det ganske bra, med opphaldsvêr stort sett heile dagen.

Les også

Samla inn fem millionar i aksjekapital: - Julaftan!

Foreløpig ser det ut til at både laurdag og søndag vil bli våte, men det er framleis usikre prognosar.

– Det er ei stund til helga enno, men foreløpig ser det ikkje ut til at det er snakk om store nedbørsmengder, avsluttar meteorologen.

Publisert:
  1. Vær
  2. Arna
  3. Osterøy
  4. Meteorologisk institutt

Mest lest akkurat nå

  1. Nå er de på plass i Bergen

  2. Galskapen satt i system med å stenge Lakslia

  3. Bakerigiganten flyttar ut av bygda: – Sjølvsagt er det vemodig

  4. Hundeeier får bot og erstatningskrav etter sauedrap

  5. Se hele den unike samlingen til familien på Borge: – Dette er historie

  6. Omsetning av eiendommar på Osterøy