Fylkesmannen har ført tilsyn med samfunnstryggleiks- og beredskapsarbeidet i Osterøy kommune. Rapporten, som blei publiserte fredag ettermiddag, peikar ut fire område der Fylkesmannen ikkje er nøgd med kommunen sitt arbeid.
Dette er:
Osterøy kommune manglar ein heilskapleg risiko- og sårbarheitsanalyse (ROS-analyse).
Osterøy kommune kan ikkje dokumentere eit heilskapleg og systematisk arbeid med samfunnstryggleik og beredskap.
Osterøy kommune sin overordna beredskapsplan tek ikkje utgangspunkt i ein heilskapleg risiko- og sårbarheitsanalyse.
Osterøy kommune kan ikkje dokumentere eit system for opplæring for alle som er tiltenkt ei rolle i kommunen si krisehandtering.
Osterøy får kritikk for ikkje å ha ein katastrofeplan
Treigt planarbeid
Osterøy hadde sist tilsyn i 2013, og også då fekk kommunen kritikk for manglande heilskapleg ROS-analyse.
- Kommunen har i liten grad følgd opp dette avviket, skriv Fylkesmannen i rapporten som blei publisert fredag ettermiddag.
Fylkesmannen er klar over at kommunen er i gang med å utarbeide ein heilskapleg risiko- og sårbarheitsanalyse, men slår fast at analysen er ikkje ferdigstilt og er heller ikkje forankra i kommunestyret.
ROS-analysen er det viktigaste dokumentet for arbeidet med samfunnstryggleik og beredskap, og sidan denne ikkje er på plass fekk altså kommunen også andre avvika.
Rår framleis dei evakuerte frå å flytte heim til Votlo
Neppe unngått Votlo-raset
Bygdanytt har spurt fylkesberedskapssjef Arve Meidell om raset på Votlo i desember kunne vore unngått dersom kommunen hadde prioritert risikoanalyserarbeidet høgare, men Meidell tvilar på det.
- Arbeidet med ein heilskapleg ROS-analyse er noko anna enn ein meir detaljert ROS-analyse etter plan og bygningslova, seier han.
Meidell opplyser om at det gjerne er i samanheng med reguleringsplanar at ein gjennomfører ROS-analyse på meir detaljert nivå, medan det overordna ROS-dokumentet ikkje nødvendigvis fangar opp lokal skredfare.