Klokka 0744 fekk politiet melding om at ein bil har velta i ein sving på rv. 567 i Hosanger.
– Det var tre personar i bilen. Alle er ute av bilen og er oppegåande, seier operasjonsleiar Frode Kolltveit i Vest politidistrikt.
Ingen av airbagane blei utløste, og farten skal ha vore låg.
«Dårleg føre»
Ulukka skal ha skjedd i ein sving i nærleiken av tekstilprodusenten Norlender. Det var sleipt på staden, ifølgje politiet.
– Bilen har velta inntil ein vegg. Det blei sagt at han «låg litt på halv åtte», opplyser Kolltveit.
Har du bilde eller informasjon? Send til tips@bygdanytt.no
Trafikale problem
Vegen blei stengt grunna uhellet, og ved 08-tida var det litt kø i begge retningar.
Vegtrafikksentralen fortel at både brøytebilar og saltebiler blei sendt til området.