Like etter klokka 01.30 natt til måndag blei nødetatane varsla om ei trafikkulukke i Gaupåstunnelen på E16 i Arna.

– Ein bil køyrde i tunnelveggen. Det var ein person i bilen, og vedkommande klaga over smerter i nakken, fortel operasjonsleiar Eivind Hellesund i Vest politidistrikt.

Sjåføren, ei kvinne i 20-åra, blei køyrt til legevakta for sjekk.

– Det er tatt beslag av førarkortet inntil vidare, seier Hellesund og legg til at han ikkje har informasjon på kvifor førarkortet er beslaglagt.