– Foreløpig har vi ikkje fått meldingar om tjuveri frå båtar, men det er klart at i den tida vi er i no så kjem båtane ut og det blir større aktivitet, seier Vidar Almberg ved Bergen nord politistasjon.
Går i bølgjer
Gjensidige skriv i ei pressemelding at dei kvart år får hundrevis av meldingar om mindre fritidsbåtar som er ribba for store verdiar.
– Vi ser at tjuveriraida går i bølgjer og at det ofte er organisert. Fleire motorar kan forsvinne frå ei hamn og nokre dagar skjer det same i nærliggjande båthamner, seier kommunikasjonssjef Arne Voll i Gjensidige.
Gladmelding frå meteorologen
Ifølgje Gjensidige har forsikringsselskapa fått meldingar om nærare 250 tjuveri av eller frå båtar i Hordaland i løpet av 2017. 25 prosent av desse er båtmotorar.
Bør følgje med
– Kva bør ein gjere for å unngå tjuveri frå båten sin?
– Det første er ettersyn. Det er utstyr i både naust og båt, så ein bør følgje med på verdiane sine, meiner Almberg.
Han oppmodar også folk til å varsle politiet om dei ser unormal aktivitet. Ifølgje Almberg er det mange tjuveri der tjuven kjem via sjøvegen.
Gjør båt og påhengs klar for sommeren
– Særleg bensin er det mange som er interessert i, forklarar han.
Arne Voll oppmodar eigarane om å sikre båt og motor med vaier og hengelås. Han seier at ein også bør fjerne laus bensintank eller låse den inne.
– Båt og motor er ekstra tjuveriutsett når dei står på hengar. Då står den bokstaveleg talt klar for bortkøyring, forklarar han.