– Det er ein stor gjeng som heng rundt på Valestrand. Me vil møtast og finna på noko, men det er ingenting å gjera og ingen plass å vera. Folk kjedar seg og då skjer det teite ting som hærverk, bråk og sladding, seier Mostafa Mj Dakduka (16) og Sander Øksnes (14).
Trykk på hovudbildet for å sjå fleire bilder frå ungdomsklubben på Valestrand.
Synspunkt: Ikke glem de som synes skolen er et helvete på jord
– Dårleg rykte
Dei synest det er synd at gjengen som samlast på Valestrand har fått eit dårleg rykte.
– «Osterøypøbel». Det er det folk kallar oss. Du kan forstå det når det skjer mykje drit, men det er mykje bra folk her også. Det treng ikkje vera slik, seier dei to.
Christian Worren (17) er einig.
Alle tre møtte då Silje Worren, som driv Kjellarn, inviterte bygda til idemøte om ein ungdomsklubb.
Osterøy-elever streiket for klimaet midt i skoletiden
Frys og kjedar seg
Silje Worren ser korleis ungdomsgjengen kjedar seg. Dei går inn og ut av puben for å varma seg.
Det er ikkje god butikk å ha masse ungdomar hengande rundt, men i staden for å jaga dei vil ho koma dei i møte.
No tilby ho dei å få bruka lokalet gratis kvar tysdag, fordi det er ein dag puben heldt stengt.
Dette i bytte mot at dei ikkje heng her når puben er open.
Dei unge turleiarane ønskjer fleire med på tur
Worren meiner at Osterøy treng ein ungdomsklubb. Ein trygg og rusfri arena der ungdom kan møtast og ha det kjekt. Fotball og korps passar ikkje for alle, og dei som ikkje driv med dette treng eit tilbod.
– Når ikkje kommunen vil ta grep, så gjer eg det. Dette er i alle fall ein start, seier ho.
Ungdomane får tysdagskvelden
Ungdom i aldersgruppa 13 og 18 år skal få bruka lokalet kvar tysdag frå og med no, og Silje og andre frivillige vaksne vil vera der saman med dei. Då kan ungdommane ta med seg Playstation, brettspel og filmar dei vil sjå, og spleisa på pizza og godteri som vert kjøpt inn på fellesen.
Ungdomsmiljøet i Arna
Tilbodet skal ikkje ha noko med pub- og restaurantdrifta å gjera, men fungera som ein klubb av og for ungdom.
– Eit kjempetilbod, synest dei som kom på idemøtet.
Ungdommene setter søkelys på et alvorlig tema
Ros frå politiet
Politiet rosar initiativet.
– Det er fantastisk at Silje gjer dette. Det er ein god start, men det er dessverre altfor lite. Visst det skal monna, må ungdomane også ha eit tilbod dei andre dagane i veka, og spesielt i helgene, seier tenestestadsleiar på Osterøy, Ole Kristoffer Tveiten.
Slik ønsker ostringene at Herlandsfossen skal bli
Kommunen må på bana
Tveiten har ein god tone med ungdommane, og opplever at dei er både høflege og kjekke å vera saman med.
– Men ungdom er ungdom. Dei treng at det skjer noko. Skjer det ingenting, så lagar dei action sjølv på den eine eller andre måten, seier han.
Tveiten meiner at den beste måten å få redusert hærverk og uvettig kjøring i nærområdet, er å gje ungdomane gode og lovlege alternativ.
Tusen elevar og foreldre kom for å lytta til politiet og Helsesista
– Meland kommune, som er jamnstor med Osterøy har starta kommunal ungdomsklubb. Og kommunane Austrheim og Radøy, som er vesentleg mindre enn Osterøy har eigne ungdomskoordinatorar som driv eit kjempegodt tilbod saman med ungdomane sjølve. Osterøy bør få til noko liknande, seier Tveiten som håpar kommunen og politikarane tar utfordringa.