Målmaskinen frå Fotlandsvåg

Etter seks rundar i serien har Benjamin «Benny-Broiler» Kleppe (21) putta 14 mål for Osterøy. Kor skal dette ende? Ryk rekorden til Bjarte Vik Larsen på 41 mål i femtedivisjon?

– På fotballbanen har du verkeleg herja i år. 14 mål, og serien har så vidt byrja. Kva har skjedd?

– Eg har hatt ei skadefri oppkøyring. I tillegg har eg nok blitt litt eldre og tryggare på meg sjølv. Det er ei deilig kjensle å vere skadefri samstundes som ein kan prestere på fotballbanen.