Heimesigrar i tropevarmen - 700 stilte til start

I rundt 27–28 grader stilte om lag 700 løparar til start under årets utgåve av Arnaløpet - den 36. i rekkja.

– Eg persa med tre og eitt halvt minutt. Det er jo berre heilt utruleg. På eit tidspunkt kunne eg ikkje kjenne føtene mine, pustar og pesar Magnus Stordal (9) frå Haus i målområdet ved Espelandshallen.

Han var ein av 700 løparar som stilte til start på den korte (3,4 km) og/eller den lange løypa (8,8 km) denne varme, fantastiske sommarkvelden på Espeland.