22 spelekåte mannfolk i raudt og kvitt står klare på kunstgraset på Arna stadion i Ytre Arna.
Det er som det reine vårsleppet.
I 15 månader har breiddeidretten - for dei over 20 år - stått på vent.
– Gå ut og kos dokker. Nye augeblinken. Denne treningskampen betyr ikkje all verda, men no er me i gang, seier Fri-trenar Dan Martinsen.
Fri-gutane jublar.
– Kom igjen, gutar. Endeleg er ventatida over, rungar det i garderoben.
Stort sakn
Ved den overfylte AB-benken står den «ekte poteten» - han som brukast til alt på bana - Simen Knutsvik.
Han er historisk.
– Du scora det første post-covid-målet for AB-seniorene. Korleis kjennest det?
– Magisk. Heilt ufatteleg deileg, smiler 20-åringen frå Haugland.
Att med stråler Kevin Frøderberg og ler.
– Dette er berre nydeleg å kome tilbake. Eg har sakna det fantastiske fellesskapet i gruppa vår.
Trenar Jørn Frode Mjelde nikkar.
– Det var på høg tid. Utan tvil.
– På bana eg høyrer heime
Og du, den ubetydelege kampen vann kvittrøyene frå Espeland med 3–1. Tommy Minde sytte for frispark-magi rett før slutt.
– Eg har ikkje ord. Dette var stort!
Kunstgraset er tomt. Det er berre bagen til «Tinder-Henrik» som ligg att.
– Korleis har du det no? Svett og god etter 90 minutt med kompisane dine?
– Trøytt og sliten, men eg har det bra.
– Kva er fotball og Fri for deg?
– Alt. Absolutt alt. Det er på fotballbana eg høyrer heime.
Arna-Bjørnar fotball blir «ny»: – Klubben skal samlast
Fri-gutane sel fyrverkeri for å halde liv i laget
Fri rykker ned til 6. divisjon: – Tungt og utrolig kjipt
De fotballgale «gaupene» vil realisere guttedrømmen
Ellevill dramatikk i lokalfotballen
Mkrtchyan (19) - ABs nye armenske kriger