For tredje året på rad skal Bærekraftige Liv Arna dele ut julemat til folk som slit økonomisk.
Les også: En pose full av håp og glede
No har dei frivillige nevane i Arna starta kronerulling for å fylle opp nye posar med julemat, og i skrivande stund har dei fått inn rundt 20.000 kroner.
– Me veit at fleire har det nok vanskelegare økonomisk i år med høge straum- og matvareprisar, seier Indrearne til Bygdanytt.
PS: 20. desember skriv Veronica Minde i Bærekraftige Liv at dei har posar tilgjengelege og skal dele ut mat på Osterøy.
«The sky is the limit»
– Kor mange familiar kan de hjelpe i år, vil de tru?
– Det er usikkert Det er kronerullinga som set eit tak på kor mange me kan hjelpe i år. «The sky is the limit», seier Indrearne og føyer til.
– Men, me er bekymra for å ikkje kunne hjelpe alle som tar kontakt, innrømmer ho.
– Med dei høge matprisane og mindre pengar å rutte med, så er det avgrensa kor mange me kan hjelpe. Kanskje må ein redusere innhaldet i posane, noko me ikkje ønskjer, poengterer ho.
– Korleis er pågangen i år?
– Det er jo naturleg å tru at det ikkje er færre som har det trått i desse dagar. Me har fått førespurnader frå folk som vil stå på lista i september.
Organisasjonen kan opplyse at årets matutdeling skjer i lokalet til Arna Misjonsmenighet i Hølbekken, på Arnatveit, 21. desember frå klokka 16.
Meir info finn du her.
Utelukker ikke ny tradisjon etter julefest-suksess